Thursday, May 13, 2010

ബ്ലോഗര്‍കോം വനത്തിലെ ബ്ലോഗര്‍ ജീവികള്‍


ബൂലോകം മുഴുവന്‍
വ്യാപിച്ചു കിടക്കുന്ന "നിത്യഹരിത ബ്ലോഗര്‍ കോം" വനങ്ങളില്‍ സുലഭമായി കാണാറുള്ള ഒരു അത്ഭുത പ്രതിഭാസമാണ് "ബ്ലോഗ്ഗര്‍ ജീവികള്‍".



കൂടുതല്‍ മഴ ലഭിക്കുന്ന നിത്യ ഹരിത ബ്ലോഗര്‍കോം വനങ്ങളില്‍ മാത്രമല്ല ഊഷര കാലാവസ്ഥയില്‍ വളരുന്ന "വേര്‍ഡ്‌ പ്രസ്‌ " വിഭാഗത്തില്‍ പെട്ട കണ്ടല്‍ക്കാടുകളിലും ഈ ജീവികളുടെ സാന്നിധ്യമുണ്ട്. പുലികളെപ്പോലെ ഗര്‍ജ്ജിക്കാനുള്ള കഴിവാണ് ബ്ലോഗ്ഗര്‍ ജീവികളുടെ പ്രത്യേകത. കൂടുതല്‍ ഗാംഭീര്യത്തോടെ ഗര്‍ജ്ജിക്കുന്ന ബ്ലോഗ്ഗര്‍ ജീവികള്‍ "പുലിയന്‍ ബ്ലോഗ്ഗര്‍ ജീവികള്‍" എന്ന അപര നാമത്തിലും അറിയപ്പെടാറുണ്ട്.



ബ്ലോഗ്ഗര്‍ ജീവികളുടെ ഉത്ഭവത്തെ കുറിച്ച് പല അഭ്യൂഹങ്ങളും നിലവിലുണ്ട് എങ്കിലും കൃത്യമായ ഒരു കാരണം ഇതുവരെ കണ്ടു പിടിക്കപ്പെട്ടിട്ടില്ല. കേരളത്തില്‍ നിന്നാണ് ബ്ലോഗ്ഗര്‍ ജീവികളുടെ ഉത്പത്തി എന്ന് പ്രമുഖ ബ്ലോഗ്ഗര്‍ ജീവി ചരിത്രകാരനായ വിശാലാക്ഷ പണിക്കര്‍ തന്റെ "ബ്ലോഗ്ഗര്‍ജീവി പുരാണ"ത്തില്‍ പറയുന്നു. എങ്കിലും കേരളം അടക്കമുള്ള ദക്ഷിണ ഭാരത സംസ്ഥാനങ്ങളില്‍ ഈ ജീവികളുടെ സാന്നിധ്യം നാമമാത്രമാണ് എന്ന് കണക്കുകള്‍ സൂചിപ്പിക്കുന്നു. ഗള്‍ഫ്‌ മേഘലകളിലും അമേരിക്ക, കാനഡ, ജപ്പാന്‍ തുടങ്ങിയ വിദേശ രാജ്യങ്ങളിലുമുള്ള നിബിഡ വനങ്ങളിലേയ്ക്ക് "ജീവസന്ധാരണാര്‍ഥം" കുടിയേറിപ്പോയതാണ് കേരളത്തില്‍ ബ്ലോഗര്‍ ജീവികളുടെ എണ്ണം ഗണ്യമായി കുറയാനുള്ള കാരണമായി ചൂണ്ടിക്കാണിക്കപ്പെടുന്നത്.




വിശാലാക്ഷ പണിക്കരുടെ "ബ്ലോഗ്ഗര്‍ ജീവി പുരാണം" വായിച്ചപ്പോഴാണ് ഒരു ബ്ലോഗര്‍ ജീവി ആകണമെന്നും ഏതെങ്കിലും ഒരു പുലിയന്‍ ബ്ലോഗ്ഗര്‍ ജീവിയെ നേരിട്ട് കാണണമെന്നുള്ള ആഗ്രഹം എന്നില്‍ ഉടലെടുക്കുന്നത്. പക്ഷെ നിബിഡമായ ബ്ലോഗ്ഗര്‍കോം വനാന്തരങ്ങളിലുള്ള ഗൂഡമായ മാളങ്ങളില്‍ കഴിയുന്ന ബ്ലോഗ്ഗര്‍ ജീവികളെ നേരിട്ട് കാണുകയെന്നത് ബുദ്ധിമുട്ടുള്ള കാര്യമാണ്. വര്‍ഷത്തില്‍ ഒന്നോ രണ്ടോ തവണ മാത്രമാണ് ബ്ലോഗ്ഗര്‍ ജീവികള്‍ തന്റെ മാളത്തിനുള്ളില്‍ നിന്നും പുറത്തു വരുന്നത് എന്നു മാത്രമല്ല മത്സ്യ മാംസാദികള്‍ ഉള്‍പ്പെടുന്ന മൃഷ്ടാന്ന ഭോജനം സുലഭമായി ലഭിക്കുന്ന കടല്‍ തീരങ്ങളിലോ കായലിനോട് ചേര്‍ന്നുള്ള റിസോര്‍ട്ടുകളിലോ മാത്രമേ അവ പ്രത്യക്ഷപ്പെടുകയുള്ളൂ.




ബ്ലോഗ്ഗര്‍ ജീവികളെ നേരിട്ട് കാണണം എന്ന ആഗ്രഹം കലശലായപ്പോള്‍ കേരളത്തില്‍ ഇപ്പോള്‍ ജീവിച്ചിരിക്കുന്ന ബ്ലോഗര്‍ ജീവികളെ ക്കുറിച്ച് ഞാന്‍ അന്വേഷണം ആരംഭിച്ചു. ആ അന്വേഷണത്തിന്റെ ഒടുവില്‍ ഞാന്‍ ചെന്നെത്തിയത് ആലപ്പുഴ ജില്ലയിലെ ഏവൂര്‍ വനങ്ങളില്‍ വിഹരിക്കുന്ന ഒരു പുലിയന്‍ ബ്ലോഗര്‍ ജീവിയുടെ മടയിലാണ്. പുലിയന്‍ ബ്ലോഗ്ഗര്‍ ജീവികള്‍ ആക്രമണകാരികളാണ് എന്നുള്ളതിനാല്‍ മടയുടെ പുറത്തു അല്പം ദൂരെ മാറി നിന്നു കൊണ്ട് ഞാന്‍ എന്റെ ദൂരഭാഷിണി യന്ത്രത്തില്‍ നിന്നും പുലിയന്‍ ബ്ലോഗര്‍ ജീവിയുടെ ദൂരഭാഷിണി യന്ത്രത്തിലേയ്ക്ക് വിളിച്ചു.




നിമിഷങ്ങള്‍ക്കുള്ളില്‍ പുലിയന്‍ ബ്ലോഗര്‍ ജീവിയുടെ ദൂരഭാഷിണി യന്ത്രത്തില്‍ നിന്നും അടുത്തയിട ഇറങ്ങിയ നീലത്താമര എന്ന മലയാള ചലച്ചിത്രത്തിലെ ആയുര്‍വ്വേദ മധുരമായ ഒരു ഗാനം കേട്ടു.



"എലാദി ലേഹ്യത്തിനൊപ്പം
ഒന്നെര ഗ്ലാസ്സു വെള്ളമൊഴിച്ച്
അതിരാവിലെ എന്നും കുടിച്ചാല്‍ മാറുമോ മുറുക്കം...
വയറിന്റെ അകത്തുള്ള പിരിമുറുക്കം"



ഗാനം കേട്ടു രസിച്ചു നിന്ന എന്റെ ചെവിയില്‍ പെട്ടെന്നൊരു ചോദ്യം വന്നു വീണു.



"ഹലോ... ആരാണ്?"


"ഹലോ.. ഇത് ഏവൂര്‍ വനത്തിലെ ജയന്തന്‍ ബ്ലോഗ്ഗര്‍ ജീവിയല്ലേ?" ഞാന്‍ ഭവ്യതയോടെ ചോദിച്ചു.


"അതെ. ആരാണ് വിളിക്കുന്നത്?"


"ഞാന്‍ ഒരു നവാഗത ബ്ലോഗര്‍ ജീവിയാണ്. പേര് രഘുനാഥന്‍ ബ്ലോഗര്‍ ജീവി. താങ്കളുടെ റേഞ്ചില്‍ തന്നെയുള്ള ഹരിപ്പാട് ആണ് എന്റെ സ്വദേശം"


ഞാന്‍ ജയന്തന്‍ ബ്ലോഗര്‍ ജീവിയെ സ്വയം പരിചയപ്പെടുത്തി...


"ഓ.. മനസ്സിലായി...ഇടക്കിടയ്ക്ക് ഹരിപ്പാട് വനത്തില്‍ നിന്നും ചെറിയ ഗര്‍ജ്ജനങ്ങള്‍ ഞാന്‍ കേള്‍ക്കാറുണ്ട്. എന്താ താങ്കളുടെ ഗര്‍ജ്ജനങ്ങള്‍ക്ക് ഒരു ഗാംഭീര്യം വരുന്നില്ലല്ലോ?"


ജയന്തന്‍ ബ്ലോഗര്‍ ജീവി ചോദിച്ചു...


"അത്....അത്...ഗര്‍ജ്ജിക്കുമ്പോള്‍ ശ്വാസം നിന്നു പോകുന്നതു കൊണ്ടാ ഗാംഭീര്യം വരാത്തത്. തന്നെയുമല്ല ചെറിയ രീതിയില്‍ വലിവിന്റെ അസുഖമുണ്ട്"


"അതുശരി. എന്തിനാ വിളിച്ചത്? വലിവിനുള്ള അരിഷ്ടം, ആസവം, എന്നിവ വല്ലതും ആവശ്യമുണ്ടോ?"


"അയ്യോ വിളിച്ചത് അതിനല്ല. അരിഷ്ടം രണ്ടു മൂന്ന് കുപ്പി വാങ്ങി വച്ചിട്ടുണ്ട്. വിശാലാക്ഷ പണിക്കരുടെ ബ്ലോഗര്‍ ജീവി പുരാണത്തില്‍ നിന്നാണ് ഞാന്‍ താങ്കളെപ്പറ്റി അറിയുന്നത്. ‍ഒരു പുലിയന്‍ ബ്ലോഗര്‍ ജീവിയെ നേരിട്ട് കാണാനുള്ള ആഗ്രഹം കൊണ്ടാണ് വിളിച്ചത് "


ഞാന്‍ ഒറ്റ ശ്വാസത്തില്‍ പറഞ്ഞു.


"ഓഹോ. കാണുന്നതില്‍ വിരോധമില്ല. പക്ഷെ ഞാന്‍ അല്പം തിരക്കിലാണല്ലോ. ഒരു ഗവേഷണത്തില്‍ ഏര്‍പ്പെട്ടിരിക്കുകയാ"


"ഗവേഷണമോ. എന്തു ഗവേഷണമാണ്.?"


"നിങ്ങളെപ്പോലെയുള്ള നവാഗത ബ്ലോഗ്ഗര്‍ ജീവികള്‍ക്ക് "ഗര്‍ജ്ജനോര്‍ജ്ജം" കിട്ടാനായി ഞാന്‍ ഉണ്ടാക്കുന്ന ആയുര്‍വ്വേദ മൂല്യങ്ങളടങ്ങിയ "അവിയല്‍" എന്ന ലേഹ്യത്തിന്റെ ഗര്‍ജ്ജന സംവര്‍ദ്ധക ശക്തിയെക്കുറിച്ചാണ് ഗവേഷണം നടത്തുന്നത്."



"ഓ അത് ശരി. താങ്കളുടെ അവിയല്‍ ലേഹ്യം ഞാനും കഴിക്കാറുണ്ട്. വളരെ ഊര്‍ജ്ജദായകമാണ് ആ ലേഹ്യം.



"വളരെ നന്ദി. എനിക്ക് ഈ ആഴ്ചയിലെ അവിയല്‍ ലേഹ്യം ഉണ്ടാക്കാനുള്ള സമയമാണ്. അതുകൊണ്ട് പിന്നീട് എപ്പോഴെങ്കിലും നമുക്ക് കാണാം"



എവൂരിലെ ജയന്തന്‍ ബ്ലോഗ്ഗര്‍ജീവി തന്റെ ദൂരഭാഷിണി യന്ത്രം കട്ടു ചെയ്തതോടെ ഞാന്‍ നിരാശയോടെ തിരിച്ചു നടന്നു. രണ്ടു മൂന്നു ദിവസങ്ങള്‍ കഴിഞ്ഞപ്പോള്‍ എറണാകുളം റേഞ്ചിലുള്ള "നന്ദ പര്‍വ്വത" മലനിരകളില്‍ ഒരു ബ്ലോഗ്ഗര്‍ ജീവി വിഹരിക്കുന്ന വിവരം കിട്ടിയ ഞാന്‍ ഉടന്‍ എന്റെ ദൂരഭാഷിണിയില്‍ കൂടി നന്ദ പര്‍വ്വത മല നിരകളിലെയ്ക്ക് വിളിച്ചു.



"ഹലോ നന്ദ പര്‍വ്വത മലനിരകളുടെ അധിപന്‍ നന്ദപ്പന്‍ ബ്ലോഗ്ഗര്‍ ജീവിയല്ലേ?"



"അതെ.നന്ദപ്പന്‍ ബ്ലോഗര്‍ ജീവിയാണ്. ആരാ വിളിക്കണതു?"



"ഞാന്‍ ഒരു നവാഗത ബ്ലോഗ്ഗര്‍ ജീവിയാണ്.. പേര് രഘുനാഥന്‍ ബ്ലോഗ്ഗര്‍ ജീവി.ഒരു പുലിയന്‍ ബ്ലോഗ്ഗര്‍ ജീവിയെ നേരിട്ട് കാണാനുള്ള ആഗ്രഹം കൊണ്ട് വിളിച്ചതാണ്"



"ഓഹോ...അതിനെന്താ നമുക്ക് കാണാമല്ലോ...പക്ഷെ ഇപ്പോള്‍ എനിക്ക് അത്യാവശ്യമായി ഒരു സ്ഥലം വരെ പോകാനുണ്ട്."


നന്ദപ്പന്‍ ബ്ലോഗര്‍ ജീവി അല്പം വിഷമത്തോടെ എന്നെ അറിയിച്ചു.


"അതെയോ...എങ്ങോട്ടാണ് ഇത്ര അത്യാവശ്യമായി പോകുന്നത് ?"



"നന്ദ പര്‍വ്വത മലനിരകളുടെ ഭാഗമായ ദൃശ്യപര്‍വ്വതത്തില്‍ ഒരു മരം ഉണങ്ങിപ്പോയതായി വിവരം ലഭിച്ചിരിക്കുന്നു. അതിന്റെ ഫോട്ടോ എടുത്തു മറ്റു ബ്ലോഗ്ഗര്‍ ജീവികളെ കാണിക്കാനായി ഞാന്‍ പുറപ്പെടുകയാണ്.അത് കൊണ്ട് നമുക്ക് പിന്നെക്കാണാം"



നന്ദ പര്‍വ്വത മലനിരകളുമായുള്ള കണക്ഷനും കട്ടായതില്‍ നിരാശ പൂണ്ട ഞാന്‍ എന്റെ മടയില്‍ തിരിച്ചെത്തി. മടയുടെ അകത്തുള്ള രഹസ്യ അറയില്‍ സൂക്ഷിച്ചിരിക്കുന്ന "നിരാശ നിഷ്കാസിതാ ലായനിയില്‍" നിന്നും നൂറു മില്ലി എടുത്തു കഴിച്ചിട്ട് മാളത്തിന്റെ പുറത്തുള്ള പാറപ്പുറത്ത് കിടന്നു കൂര്‍ക്കം വലിച്ചു തുടങ്ങി.




ഒരു ബ്ലോഗ്ഗര്‍ ജീവിയെ നേരിട്ട് കാണാത്തതിലുള്ള നിരാശയും അതു മാറ്റാനുള്ള നിരാശ നിഷ്കാസിത ലായനിയുമായി ഞാന്‍ ദിവസങ്ങള്‍ തള്ളി നീക്കുമ്പോഴാണ് വട്ടപ്പറമ്പ് വനമധ്യത്തിലുള്ള തന്റെ മടയില്‍ ഒരു പുലിയന്‍ ബ്ലോഗ്ഗര്‍ ജീവി, ദൂരെ ശ്യാമാംബരത്തിലെയ്ക്ക് മിഴികള്‍ നട്ട് ധ്യാന നിമഗ്നനായി ഇരിക്കുന്ന വിവരം അറിയുന്നത്.



ഒട്ടും താമസ്സിച്ചില്ല. എന്റെ ദൂരഭാഷിണി യന്ത്രം പ്രവര്‍ത്തനക്ഷമമായി. അല്പം കഴിഞ്ഞപ്പോള്‍ അതിലൂടെ ഘനഗംഭീരമായ ഒരു ശബ്ദം കേട്ടു ഞാന്‍ ഞെട്ടി.



"ഹലോ ആരാണ്."



മുഴങ്ങുന്ന ആ ശബ്ദം കേട്ടതോടെ എന്റെ നെഞ്ചിടിപ്പ് കൂടി. ശ്യാമാംബരത്തിലെയ്ക്ക് മിഴികള്‍ നട്ട് എകാഗ്രനായി ധ്യാനത്തിലമര്‍ന്നിരുന്ന പുലിയന്‍ ബ്ലോഗര്‍ ജീവിയെയാണ് ഞാന്‍ ഫോണ്‍ ചെയ്തു ശല്യപ്പെടുത്തിയിരിക്കുന്നത്. ശബ്ദം കേട്ടിട്ട് ദേഷ്യക്കാരനും ഗൌരവക്കാരനുമാണെന്ന് തോന്നുന്നു.



"ബ്ലോഗര്‍കോം കാവിലമ്മേ
കുഴപ്പമാകുമോ.?"



"ഞാന്‍ ഒരു നവാഗത ബ്ലോഗ്ഗര്‍ ജീവിയാണ്. പേര് രഘുനാഥന്‍ ബ്ലോഗ്ഗര്‍ ജീവി. ഒരു പുലിയന്‍ ബ്ലോഗ്ഗര്‍ ജീവിയെ നേരില്‍ക്കാനാണുള്ള ഒടുക്കത്തെ ആഗ്രഹം മൂലമാണ് വിളിച്ചത്. ശല്യപ്പെടുത്തിയെങ്കില്‍ ക്ഷമിക്കണം"



ഞാന്‍ വിക്കി വിക്കി പറഞ്ഞു ..



"ഓഹോ..ഞാന്‍ അങ്ങനെ ആരെയും കാണാറില്ല. അത്ര നിര്‍ബന്ധമാണെങ്കില്‍ കാണാം. പക്ഷെ ഒരു കണ്ടീഷനുണ്ട്" ഘന ഗംഭീര സ്വരം വീണ്ടും.


ഭഗവാനെ...ആ ശബ്ദം കേട്ടപ്പോള്‍ തന്നെ എന്റെ കണ്ടീഷന്‍ മോശമായിരിക്കുകയാണ്. ഇനി എന്താണാവോ ബ്ലോഗര്‍ ജീവി പറയാന്‍ പോകുന്നത്? ഞാന്‍ ദൂരഭാഷിണി യന്ത്രം ചെവിയില്‍ ചേര്‍ത്തു ബ്ലോഗര്‍ ജീവിയുടെ അടുത്ത വാക്കുകള്‍ക്കു വേണ്ടി കാത്തു.



"എന്നെ കാണാന്‍ വരുന്നവര്‍ എന്നോടൊപ്പം ഭക്ഷണം കഴിക്കണം എന്നുള്ളത് എനിക്ക് നിര്‍ബന്ധമാണ്‌. അങ്ങനെ കഴിക്കാന്‍ തയ്യാറുണ്ടെങ്കില്‍ മാത്രം നമുക്ക് കാണാം".



അതോടെ ഞാന്‍ പരുങ്ങി.



തികഞ്ഞ മാംസാഹാരികളാണ് പുലിയന്‍ ബ്ലോഗര്‍ ജീവികള്‍ എന്നാണ് ബ്ലോഗര്‍ ജീവി പുരാണത്തില്‍ പറയുന്നത്. തന്റെ മുന്‍പില്‍ പെടുന്ന നവാഗത ബ്ലോഗര്‍ ജീവികളെ ആക്രമിച്ചു കൊന്നു തിന്നുന്നതാണ് പല പുലിയന്‍ ബ്ലോഗര്‍ ജീവികളുടേയും രീതി. മിക്കവാറും ബ്ലോഗ്ഗര്‍ ജീവികള്‍ സ്വയം ഉണ്ടാക്കുന്ന ഭക്ഷണ പദാര്‍ഥങ്ങളുടെ ഗുണമേന്മ പരീക്ഷിക്കാനായി അതു മറ്റു ബ്ലോഗര്‍ ജീവികളെക്കൊണ്ട് ബലമായി തീറ്റിക്കാറുള്ളതായും കേട്ടിട്ടുണ്ട്. അങ്ങനെയുള്ള ഗണത്തില്‍ പെട്ടതാണോ ഈ ബ്ലോഗര്‍ ജീവി.? ബ്ലോഗ്ഗര്‍കോം വനാന്തരങ്ങളില്‍ വളരെക്കാലമായി വിഹരിക്കുന്ന ആക്രമണകാരിയായ ഒരു പുലിയന്‍ ബ്ലോഗര്‍ ജീവിയെ കാണാന്‍ പോയതിന്റെ പേരില്‍ ആ പുലിയുടെ ആക്രമണമേറ്റ് ദിവംഗതനാകാനാണോ എന്റെ വിധി?



ഏതു ദുര്‍ബ്ബല നിമിഷത്തിലാണ് ഇങ്ങനെ ഒരാഗ്രഹം എന്റെ മനസ്സില്‍ ഉണ്ടായത് എന്നു ഞാന്‍ ഭീതിയോടെ ഓര്‍ത്തു..



ഏതായാലും ഇവിടെ വരെ എത്തി.. പിന്മാറുന്നത് ബ്ലോഗ്ഗര്‍ ജീവികുലത്തിനു മുഴുവന്‍ അപമാനകരമാണ്. ഇനി വരുന്നത് പോലെ തന്നെ അനുഭവിക്കുക. ഞാന്‍ പരമാവധി ധൈര്യം സംഭരിച്ചു. എന്നിട്ട് വട്ടപ്പറമ്പിലെ പുലിയന്‍ ബ്ലോഗര്‍ ജീവിയോടു പറഞ്ഞു.



"ശരി....എപ്പോഴാണ് താങ്കളെ കാണാന്‍ വരേണ്ടത്?"




"ഞാന്‍ അര മണിക്കൂറിനുള്ളില്‍ എറണാകുളം റേഞ്ചിലുള്ള കടവന്ത്ര വനത്തിലെത്തും. അവിടെ വന്നാല്‍ കാണാം" പുലിയന്‍ ബ്ലോഗര്‍ ജീവി തന്റെ ദൂര ഭാഷിണി യന്ത്രം ഓഫ്‌ ചെയ്തു.



ഞാന്‍ വാച്ചില്‍ നോക്കി...സമയം ഒരു മണി ആയിരിക്കുന്നു...ഒട്ടും താമസിക്കാതെ ഞാന്‍ കടവന്ത്ര വനത്തിലേയ്ക്കു യാത്രയായി.



കടവന്ത്ര വനത്തിലെത്തിയ ഞാന്‍ വട്ടപ്പറമ്പിലെ പ്രവീണനായ പുലിയന്‍ ബ്ലോഗര്‍ജീവിയുടെ ആഗമനം പ്രതീക്ഷിച്ച് അടുത്തു കണ്ട പാറയുടെ പുറത്തിരുന്നു.



അല്പം കഴിഞ്ഞപ്പോള്‍ ഞാന്‍ ഇരുന്ന പാറയുടെ പുറകിലായി ഒരു വലിയ ഇരമ്പല്‍ കേട്ടു. കൂടെ ഇടി മുഴങ്ങുന്ന ശബ്ദത്തില്‍ വിറപ്പിക്കുന്ന ഒരു ചോദ്യവും ...



"ഹരിപ്പാട് വനത്തിലെ രഘുനാഥന്‍ ബ്ലോഗര്‍ ജീവിയല്ലേ?"



ദൈവമേ.....



വട്ടപ്പറമ്പിലെ പുലിയന്‍ ബ്ലോഗര്‍ ജീവി എത്തിക്കഴിഞ്ഞു. എന്റെ നിമിഷങ്ങള്‍ എണ്ണപ്പെട്ടു കഴിഞ്ഞതായി എനിക്ക് തോന്നി. ഒന്നുകില്‍ ഞാന്‍ ഈ പുലിയന്‍ ബ്ലോഗര്‍ ജീവിയുടെ ഭക്ഷണമാകും. അല്ലെങ്കില്‍ താന്‍ ഉണ്ടാക്കിയ ഏതെങ്കിലും ഭക്ഷണം അത് എന്നെക്കൊണ്ട് തീറ്റിക്കും. രണ്ടായാലും എന്റെ കഥ കഴിഞ്ഞതു തന്നെ. ഞാന്‍ വിറയലോടെ പുറകിലേയ്ക്ക് തിരിഞ്ഞു നോക്കി.


അത്ഭുതം....!!!!



ശാരീരികസ്ഥിതിയില്‍ എന്നേക്കാള്‍ അശുവായ ഒരു ജീവി!.... ജീവി ഇരിക്കുന്നത് ഒരു ഹീറോ ആക്ടീവയുടെ മുകളില്‍!!..ജീവിയുടെ തലയില്‍ ഒരു കറുത്ത ഹെല്‍മെറ്റ്‌ !!!



ജീവിതത്തില്‍ ആദ്യമായി കാണുന്ന പുലിയന്‍ ബ്ലോഗര്‍ ജീവി...!!!! ആ ജീവിയെ ഞാന്‍ ആശ്ചര്യത്തോടെ നോക്കി നിന്നു.



തലയില്‍ നിന്നും ഹെല്‍മെറ്റ്‌ എടുത്തിട്ടു വട്ടപ്പറമ്പിലെ പ്രവീണന്‍ ബ്ലോഗര്‍ജീവി ചിരിച്ചു. ആക്രമണകാരിയായ ഒരു ബ്ലോഗര്‍ ജീവിയെ പ്രതീക്ഷിച്ചിരുന്ന ഞാന്‍ ശാന്തനായ ആ ബ്ലോഗര്‍ ജീവിയുടെ സൌമ്യമായ മുഖവും മനോഹരമായ ചിരിയും കണ്ടു ആശ്വാസത്തോടെ നിശ്വസിച്ചു.



പിന്നെ ആ ബ്ലോഗര്‍ ജീവി എന്റെ കയ്യില്‍ പിടിച്ചു കൊണ്ട് അടുത്തുള്ള ഭക്ഷണ ശാലയിലേയ്ക്ക് നടന്നു.


അപ്പോഴും ബ്ലോഗര്‍ കോം വനങ്ങളിലെ മടകളില്‍ ഇരുന്ന് പുലിയന്‍ ബ്ലോഗര്‍ ജീവികള്‍ ഗര്‍ജ്ജിക്കുന്നുണ്ടായിരുന്നു.

41 comments:

  1. വിശാലാക്ഷ പണിക്കരുടെ "ബ്ലോഗ്ഗര്‍ ജീവി പുരാണം" വായിച്ചപ്പോഴാണ് ഒരു ബ്ലോഗര്‍ ജീവി ആകണമെന്നും ഏതെങ്കിലും ഒരു പുലിയന്‍ ബ്ലോഗ്ഗര്‍ ജീവിയെ നേരിട്ട് കാണണമെന്നുള്ള ആഗ്രഹം എന്നില്‍ ഉടലെടുക്കുന്നത്.

    ReplyDelete
  2. ബ്ലോഗനാര്‍ കാവിലമ്മ കാത്തു
    തുടര്‍ന്നും രഘുനാഥന്‍ ബ്ലോഗ്ഗര്‍ ജീവി ഇതുപോലെ ഇവിടെ കാണുമല്ലോ .....!!!

    ReplyDelete
  3. EntammO!

    ithinoru maRukamantiTaan ente malayaaLam aTichchu pOyikkiTakkunnathu koNTu njaan muthirunnilla!

    civil aayum kriminal aayum case file cheyyaathirikkaan kaaraNam uNtenkil innEkk 24 maNikkooRinuLLil enikku karimeen vaRuththaum chikkan fried rice um parcel ayakkuka!

    ReplyDelete
  4. ഇവിടെ വെറുതെയിരിക്കുന്ന ഞങ്ങളൊക്കെയുണ്ട്.

    ReplyDelete
  5. രഘുവേട്ടോ, ഞാന്‍ അങ്ങോട്ടു വരാം.
    ഓ, പക്ഷെ ലീവില്ലല്ലോ. ആട്ടെ, സാരല്യ, പിന്നെയാവാം. പിന്നെ ഞാനും മാംസാഹാരിയായ ഇളം ബ്ലോഗറാണ്‌. തവളയിറച്ചിയും ആമയിറച്ചിയും ഓര്‍മ്മയുണ്ടല്ലോ? പെരുമ്പാമ്പായാലും മതി.

    ReplyDelete
  6. മലയാളം തിരിച്ചുകിട്ടി.
    അപ്പോ പറഞ്ഞ പ്രകാരം കരിമീൻ ഫ്രൈയും ഉപദംശങ്ങളും എപ്പഴാ ഒരുക്കുന്നത്!?
    വെക്കം പറ!

    ReplyDelete
  7. ബ്ലോഗനാര്‍ കാവിലമ്മ കാത്തു

    ReplyDelete
  8. ബ്ലോഗ് പുലിയന്മാർ നിബിഢമായി വസിക്കുന്ന ഉഷ്ണമഖലാബ്ലോഗ് കാട്ടിൽനിന്നും ആഗോളതാപനം ഭയന്ന് ആഗോളകുളിരുള്ള ശൈത്യമേഖലയിലേക്ക് ദേശാടനം ചെയ്തുതിരിച്ചെത്തിയ ഈ ബ്ലോഗർജീവിയുടെ ചെറു ഗർജ്ജനങ്ങൾ ശക്തികുറഞ്ഞ്ഓരിയിടലായിവീണ്ടും കേട്ടുതുടങ്ങിയിരിക്കുന്നു.
    “ബ്ലോഗർവനം കാക്കും ബ്ലോഗർകാട്മുത്തപ്പൻ തുണ:”

    ReplyDelete
  9. നന്ദി രമണിഗ...
    ബ്ലോഗര്‍ കോം കാവിലമ്മ ശരണം...

    നന്ദി..ജയന്‍ സാര്‍...

    എന്തു പറ്റി മലയാളത്തിന്...
    അയ്യോ കേസ് ഒന്നും കൊടുത്ത് കുഴപ്പമാക്കല്ലേ...ഒരു തമാശയ്ക്ക് എഴുതിയതാ...കരിമീന്‍ വറുത്തതും ചിക്കെന്‍ ഫ്രൈഡ് റൈസും ഒപ്പം സ്പെഷ്യല്‍ ആയിട്ട് രണ്ടു തവളക്കാലും ഇന്ന് തന്നെ പാര്‍സലായി അയച്ചേക്കാം. ഏവൂര്‍ വനത്തിലെ വിലാസത്തില്‍ അയച്ചാല്‍ മതിയല്ലോ അല്ലേ?

    നന്ദി വവ്വാക്കാവ് ...
    ഏതു വനത്തിലാ ഇരിക്കുന്നെ?


    നന്ദി ചിതല്‍...
    ലീവ് ആപ്ലിക്കേഷന്‍ ധൈര്യമായി കൊടുത്തോളൂ.. ആലപ്പുഴയില്‍ ചേരയാ സുലഭം... ഫ്രൈ ചെയ്തു തരുന്ന കാര്യം ഞാന്‍ ഏറ്റു. ഹ ഹ

    നന്ദി നൌഷു...!

    നന്ദി അലി...ധൈര്യമായി ഗര്‍ജ്ജിക്കൂ... ബ്ലോഗര്‍ കോം മുത്തപ്പന്‍ കാത്തു രക്ഷിക്കും...

    നന്ദി കുമാരാ...ഒത്തിരി നാളായല്ലേ ഇതുവഴി വന്നിട്ട്...?

    ReplyDelete
  10. എന്തായാലും ആഗ്രഹം സാധിച്ചല്ലോ ..........

    ReplyDelete
  11. പ്രിയ ബ്ലോഗര്‍ ജീവികളെ...

    ബ്ലോഗില്‍ മാത്രം പരിചയമുള്ള ഒന്ന് രണ്ടു ബ്ലോഗര്‍ന്മാരോട് ഫോണില്‍ സംസാരിക്കാനും അതില്‍ ഒരു ബ്ലോഗറെ നേരില്‍ കാണാനും കഴിഞ്ഞതിലുള്ള സന്തോഷത്തില്‍ നിന്നുണ്ടായതാണ്‌ ഈ പോസ്റ്റ്‌. ഇതൊരു തമാശക്കഥ മാത്രമാണ്. ഇതു വായിക്കുന്ന എല്ലാ ബ്ലോഗര്‍ ജീവികളും ആ അര്‍ഥത്തില്‍ മാത്രമേ ഈ പോസ്റ്റിനെ കാണാവൂ എന്ന് താഴ്മയോടെ അപേക്ഷിക്കുന്നു...

    സസ്നേഹം
    രഘുനാഥന്‍ ബ്ലോഗര്‍ ജീവി.

    ReplyDelete
  12. പട്ടാളം ബ്ലോഗര്‍ ജീവി...ഇങ്ങോട്ട് വാ..നോം ദര്‍ശനം തരാം. ;)

    ReplyDelete
  13. നന്ദി..ക്യാപ്ടന്‍ ബ്ലോഗര്‍ ജീവി...
    എവിടെയാണ് താങ്കളുടെ മട?...എന്താണ് താങ്കളുടെ ദൂരഭാഷിണി യന്ത്രത്തിന്റെ നമ്പര്‍?
    :)

    ReplyDelete
  14. ശേയ് ....എന്റെ പ്രവേണേട്ടാ....ഒരു പട്ടാളക്കാരനെ കിട്ടിയിട്ട് ഒരു ബിരിയാണിയില്‍ നിങ്ങ്ടെ കണ്ടു മുട്ടല്‍ അവസാനിപ്പിച്ചോ....ചിങ്ങമാസം ആവട്ടെ ഞാന്‍ നാട്ടില്‍ വരുന്നുണ്ട് അപ്പോഴാകാം രണ്ടെണ്ണം വീശല്‍....മീറ്റാണത്രെ......ഇത്

    ReplyDelete
  15. സാമദ്രോഹീ ,....

    എന്റെ ശബ്ദം വച്ചാണു ഇവിയ്യെ ഞാൻ പിടിച്ചു നിൽക്കുന്നതു.. നശിപ്പിച്ചു കളഞ്ഞല്ലോ ..:(

    അടുത്ത തവണ ഫുഡിൽ വിമ്മിട്ടു തരും ഞാൻ :)

    ReplyDelete
  16. ഏറക്കാടാ ..
    അതൊരു മീറ്റ്‌ ആയിരുന്നില്ല. അതിന്റെ പേരാണ് "ബ്ലോഗര്‍ ജീവി സംഗമം" ഹ ഹ ഹ ..

    പ്രിയ പ്രവീണ്‍...

    അടുത്ത തവണ ഫുഡ് എന്റെ വക.. കൂടെ നന്ദപ്പന്‍ ബ്ലോഗര്‍ ജീവിയെക്കൂടെ വിളിക്കണം ..അപ്പോള്‍ വിമ്മും ഞാന്‍ തന്നെ ഇടും...ഹ ഹ ഹ

    ReplyDelete
  17. ഹ ഹ. ബ്ലോഗര്‍വനം... കൊള്ളാം മാഷേ.

    ReplyDelete
  18. നന്ദി ശ്രീ ...

    നന്ദി.. അനില്‍.

    ReplyDelete
  19. ഭാഗ്യം ജീവന്‍ തിരിച്ചു കിട്ടിയല്ലോ... :)

    ReplyDelete
  20. ഇവിടെ വേറൊരിനം പുലികളും ഉണ്ടേ. ഞങ്ങളേം പരിഗണിയ്ക്കണം.
    എന്ന് ഒരു കഴുതപ്പുലി

    ReplyDelete
  21. ബ്ലോഗര്‍ പു(എ)ലി കളുമായി ഭോജനശാലയില്‍ നിന്ന് പൊരിച്ച കുക്കുടവും ചോറും ഉപദംശങ്ങളും ചേര്‍ത്ത് വിഴുങ്ങിയ ആ കടവന്ത്ര വനത്തിലെ മദ്ധ്യാഹ്നത്തെക്കുറിച്ചാവട്ടെ അടുത്ത വെടി

    (കരിമീനും ‘കോണ്ടസ്സാ‘യും അടുത്ത വരവില്‍ തരില്ലേ?)

    ReplyDelete
  22. നന്ദി സിജീഷ്...

    ഏതു റേഞ്ചിലുള്ള വനത്തിലാ ബിജുകുമാര ബ്ലോഗര്‍ ജീവിയുടെ മട?

    നന്ദേട്ടാ...

    അടുത്ത വെടി കരിമീനും ‘കോണ്ടസ്സാ‘യും വന്നതിനു ശേഷം ..ഹ ഹ ..

    ReplyDelete
  23. ചിര ബന്ധുരമീ സ്നേഹ ബന്ധം.....

    ReplyDelete
  24. ഇപ്പൊഴത്തെ പുലികളൊന്നും ലേഹ്യം കഴിക്കുന്നില്ലായിരിക്കും അതുകൊണ്ടാ അശു ആയത്

    ReplyDelete
  25. ആരാ അവിടെ ഹരിപ്പാടുകാരെ തൊട്ടു കളിക്കുന്നെ.. ഗ്ര്ര്ര്ര്ര്ര്ര്ര്ര്ര്ര്ര്‍

    ReplyDelete
  26. ഹ ഹ ഹാ (മൂന്ന്‍ ഹ)

    ReplyDelete
  27. "മ്യാവൂ..മ്യാവൂ.."
    ക്ഷമിക്കണം, ഇത് വായിച്ചപ്പോള്‍ കായംകുളത്ത് നിന്ന് ഒരു ബ്ലോഗര്‍ ഗര്‍ജ്ജിച്ചതാണ്.
    എന്താണാവോ ഒരു പൂച്ചയുടെ സ്വരം???

    ReplyDelete
  28. ഇതു മടയല്ല, മാളമാന്നേ, ഖത്തറെന്നൊ മറ്റോ പറയും. പുള്ളിപ്പുലികള്‍ക്കൊക്കെ എന്തുമാകാമല്ലോ? ഞങ്ങളു പാവം കഴുതപ്പുലികള്‍...

    ReplyDelete
  29. പ്രിയ അജ്ഞാത സുഹൃത്തെ...
    വളരെ നന്ദി...

    നന്ദി ഇന്ത്യാ ഹെരിറ്റേജ് സര്‍...
    ഹ ഹ ഹ ..ശരിയാ ..

    നന്ദി കണ്ണാ ..
    കണ്ണന്റെ "ഗര്‍ജ്ജനോര്‍ജ്ജം" ഇനിയും കൂടട്ടെ... (ലേഹ്യം കഴിക്കാറുണ്ടോ?.. ഹ ഹ )

    നന്ദി ഏറനാടാ ..ഹ ഹ ഹ ഹ (നാലു ഹ)

    നന്ദി അരുണ്‍...
    കായംകുളം വനത്തില്‍ നിന്നും പൂച്ച കരച്ചിലല്ല ഞെട്ടിപ്പിക്കുന്ന ഗര്‍ജ്ജനങ്ങളാണല്ലോ ബ്ലോഗര്‍ കോം വനത്തിലെ ബ്ലോഗര്‍ ജീവികള്‍ കേള്‍ക്കുന്നത്? ഗര്‍ജ്ജനങ്ങള്‍ ഇനിയും തുടരട്ടെ...

    ReplyDelete
  30. പ്രിയ ബിജുകുമാര ബ്ലോഗര്‍ ജീവി,

    "ഖത്തര്‍" മാളത്തില്‍ നിന്നും എന്നാണു പുറത്തു വരുന്നത്? ഈ പുള്ളിപ്പുലികള്‍ക്ക് വല്യ "പുള്ളിയാണ്" എന്ന കുഴപ്പം മാത്രമേ ഉള്ളൂ . പക്ഷെ പാവങ്ങളാ. ഒരു പുള്ളിപ്പുലിയെ നേരിട്ട് കണ്ട അനുഭവത്തില്‍ നിന്നാ ഈ പറയുന്നത്. ഇന്നലെ വേറൊരു പുള്ളിപ്പുലിയെക്കൂടി കണ്ടു...എറണാകുളം റേഞ്ചിലുള്ള നന്ദ പര്‍വ്വത വനത്തിലെ നന്ദപ്പന്‍ പുള്ളിപ്പുലി. !!

    ഏതായാലും ഇനി മാളത്തില്‍ നിന്നും പുറത്തു വരുമ്പോള്‍ അറിയിക്കണം. കഴുതപ്പുലിയാണ് എന്ന് സ്വയം വിശേഷിപ്പിക്കുന്ന ഈ "ഒറിജിനല്‍ പുള്ളിപ്പുലിയെ" നേരിട്ട് കാണാന്‍ ആഗ്രഹമുണ്ട്.

    സസ്നേഹം ..

    രഘുനാഥന്‍ പൂച്ചപ്പുലി..

    ReplyDelete
  31. പുലികള്‍ക്കെല്ലാം നമോവാകം
    -ഒരു എലി

    ReplyDelete
  32. നന്ദി പാവം ഞാന്‍

    ReplyDelete
  33. പുലി ഗര്ജനങ്ങള്‍ ഇനിയും തുടരട്ടെ. ജീവനോടെ ഒരു ബ്ലോഗറെ ഞാനും കണ്ടിട്ടില്ല!

    ReplyDelete
  34. പുള്ളിപ്പുലികളെല്ലാം കൂടി ഈ കഴുതപ്പുലിയെ കടിച്ചുകീറില്ലാന്നുറപ്പു തരാമെങ്കില്‍ മാളത്തില്‍ നിന്നും അടുത്തപുറഞ്ചാട്ടത്തിന് ഓരിയിടാം.

    ReplyDelete
  35. കീ....കീ...കീ...ഇത് ഒരു അറലറായി...ശ്ശെ..അലറലായി സ്വീകരിക്കണം..:-) വിഷയം കൊള്ളാം മാഷേ!

    ReplyDelete
  36. ഗര്‍ ഗര്‍ ... ഒഴാക്കന്‍ ജീവിയാ

    ReplyDelete
  37. നന്ദി തെച്ചിക്കോടന്‍...

    നന്ദി...അങ്ങിനെ ആകട്ടെ ബിജുകുമാര ബ്ലോഗര്‍ ജീവി...

    നന്ദി ഭായി...

    നന്ദി ഒഴാക്കാന്‍...

    ReplyDelete
  38. ബ്ലോഗര്‍കോം കാവിലമ്മേ രക്ഷിക്കണേ ..
    :)

    ReplyDelete
  39. ഒരു വിസ അയച്ചു തരാം . ഇങ്ങോട്ട് പോര് ...

    ReplyDelete